Къыфӏэдзэ си бзэгум
Махуэ гуэрым Хъуэжэ пщӏантӏэм дэту шу блэкӏыу илъэгъуащ. Сэлам къыщрихым, мыдрейми, хабзэм зригъэхьри, жиӏащ:
- Еблагъэ, хьэщӏэ, зодгъэгъэпсэхунщ!
Шур, пэжым ухуеймэ, жыжьэ къикӏт, ешат, къуажэми хэгъэрей щиӏэтэкъыми, «къеблагъэ» къыщыжраӏэм, гуфӏэри къыдыхьащ. Зыкъригъэлъэтэхри зиплъыхьа щхьэкӏэ, пщӏантэм шы фӏэдзапӏэ щилъэгъуакъым.
- Мы шыр дэнэ фӏэздзэн? - жиӏэри хьэщӏэр къеупщӏащ Хъуэжэ.
Адыгэ хабзэм зригъэхьу «къеблагъэ» жиӏа щхьэкӏэ, Хъуэжэ тхьэмыщкӏэ ӏейуэ псэурти, щӏегъуэжащ.
- Къыфӏэдзэ си бзэгум, - жиӏащ Хъуэжэ.
Шум къыгурыӏуэри шэсри дэкӏыжащ.
Къезыгъэхьар @zhygue
