Хьэтыхъу и дыгъужьищэ
- Дыгъуасэ мэз сыщыкӏуам дыгъужьищэ слъэгъуащ, - жиӏащ Хьэтыхъу, гупым яхыхьэри.
- Щыгъэт, тхьэм щхьэкӏэ, дыгъужьищэ зэгъусэу дунейм теткъым, - жаӏэри гупыр зэщӏэдыхьэшхащ.
- Тхьэ сӏуэнщ, щэ мыхъуми, щэ ныкъуэ хъунтэм! - жиӏащ Хьэтыхъу.
- Жиӏэр сыт делагъэ, дыгъужь щэ ныкъуэ щӏэскъым ди мэзым, - къыхуидакъым зыгуэрым.
Гупыр аргуэру зэщӏэдыхьэшхащ.
- Сыт фыщӏэдыхьэшхыр? Тхьэ фхуэсӏуэнщ, щэ ныкъуэ мыхъуми, тӏощӏрэ пщӏырэ хъунтэм!
- Кӏэрыгъэху, Хьэтыхъу, кӏэрыгъэху. Апхуэдиз дыгъужь зэгъусэу хэт илъэгъуа?
- Уэлэхьи, зы мыхъуам, дыгъужьипщӏ хъунтэм.
- Тхьэ дыгъыӏэ, пцӏынкӏэ, Хьэтыхъу, кӏэрыгъэху.
- Антӏэ сыт пабжьэр къэзыгъэсысар?! - жиӏащ Хьэтыхъу.
Езыгъэлейм ауаныщӏу хужаӏэ.
Къезыгъэхьар @zhygue
