Ищхъэрэкӏэ псы къыщумыгъэутхъуэ жызыӏам хуэдэщ (сравните Волк и Ягненок. И.А.Крылов)
Дыгъужьыр псы ӏуфэм здыӏутым ищхъэрэкӏэ зы щынэ цӏыкӏу къыӏухьэри, псы ефэу щӏидзащ.
- Уэ гъуамэм псыр къогъэутхъуэ! - жиӏэри дыгъужьыр щынэм щыхьащ.
- Дауэ нэзгъэутхъуэн, сэ ищхъэрэкӏэ сыщыту, - жиӏащ щынэ цӏыкӏум зиухейуэ.
- Плъагъуркъэ а ӏейр, мышынэрэ мыукӏытэу къызэрызэпсалъэ! - жиӏэу дыгъужьыр щебгъэрыкӏуэм, щынэ цӏыкӏур шынэри лъаӏуэу щӏидзащ:
- Къысхуэгъэгъу, тхьэм щхьэкӏэ, къысхуэгъэгъу! - жиӏэу.
- Апхуэдизу ущылъаӏуэкӏэ, усшхынщи пхуэзгъэгъунщ! - жиӏэри дыгъужьым щынэр ишхащ.
Зытекӏуэнум щхьэусыгъуэ нэпцӏкӏэ щыхьэм хужаӏэ.
Къезыгъэхьар @zhygue