Бэч и къуэжьым хуэдэу, Урысейм щхьэкӏэ ди фэр хьэуазэкӏэ едгъэкъунщ
Бэч и къуэжь жыхуиӏэр Александр Бекович-Черкасскэрщ. Адыгэкӏэ абы и цӏэр Долэт-Джэрийт, адыгэпщ лъэпкъ Бэчмырзэхэ ящыщт.
1717 гъэм Урысейм пащтыхь Петр I Хъивэ хъаным и хэкум кӏуэну экспедицэ къызэрагъэпэщауэ щытащ. Абы и къалэнт Аму-Дэрйа и псыжапӏэжьыр къихутэну. А экспедицэм и унафэщӏу щытар Александр Бекович-Черкасскэрщ.
Экспедицэ здэкӏуам Бекович-Черкасскэр Хъивэ хъаным гъэпцӏагъэкӏэ ӏэрубыд ищӏри псэууэ и фэр трихщ, хьэуазэкӏэ икъужри папхэу къалэ дыхьэпӏэм къигъэувыжауэ щытащ.
Псалъэжьыр абы къытекӏащ.
Къезыгъэхьар @zhygue
