Сымаджэ нэпцӏ зищӏурэ лӏам нэхъей
Лӏитӏ гум ису здэкӏуэм, япэкӏэ плъэри хьэлъэ телъу лъэс гуэр кӏуэуэ ялъэгъуащ.
- Мо лъэсым дызэрыщӏыхьэу сивгъэтӏысхьэ жиӏэнурэ къыдэлъэӏунущ. Апхуэдэу щыщыткӏэ, сэ сымаджэ нэпцӏ зысщӏынщи сыгъуэлъынщ. Уэ, сымаджэ илъщ, укъизгъэтӏысхьэ хъунукъым жыӏи ныблэкӏ, - жиӏэри, зыр щӏакӏуэ зытрипӏэри гум игъуэлъхьащ.
Гур кӏуэурэ лъэсым щыщӏыхьэм, «сивгъэтӏысхьэ» жиӏэри къелъэӏуащ.
- Хъунукъым, сымаджэ хьэлъэ илъщ, - жиӏэри блэкӏащ.
Ауэрэ кӏуэурэ къызэплъэкӏри, лъэсыр щимылъагъужым, и гъусэм еджащ:
- Тэдж, лъэсым дыкъилъагъужкъым, - жиӏэу.
Арщхьэкӏэ, и гъусэр къыщымытэджыжыххэм, щӏакӏуэ кӏапэр къиӏэтмэ, - «сымаджэр» лӏат.
Къезыгъэхьар @zhygue
