Бэджыр зэ къипщынуми къипщащэрэт
Ефэндым уаз къитырт:
- Нэмэз фщӏы, нэщӏыр фӏыгъ, алыхьыр зыщывмыгъэгъупщэ! Фымыбэлэрыгъ, къипщынурэ фишхынущ! – жиӏэурэ цӏыхухэр игъэшынэрт. Апхуэдэурэ махуэ къэс жиӏэрти, зы щӏалэжь гуэрым абы фӏэкӏа хуэмыхьыжу къэкӏиящ:
- Мы бэджыр къипщынуми зэ къипщу, уэри уишхыу дэри дишхащэрэт! - жиӏэри.
«Бэджыр зэ къипщынуми къипщащэрэт» жыхуаӏэ псалъафэр абы къытекӏауэ жаӏэ.
Къэхъунущ, къэщӏэнущ, жаӏэурэ куэдрэ зэрагъэшынэ ӏуэхугъуэм ауаныщӏу хужаӏэ.
Къезыгъэхьар @zhygue
